Mathayo tunamjua, Alfayo ni babake,
Kwa panga walimuua, Ethiopia bila lake,
Kuua waliamua, kwa hiyo Injili yake,
Mitume walifariki, kwa sababu ya Injili.Mariko twamfahamu, Misri aliuliwa,
Watu walimhukumu, kwa farasi katwaliwa,
Alivyomwagika damu, hivyo walimuuwa,
Mitume walifariki, kwa sababu ya Injili.Luka alinyongwa hai, eneo la Ugiriki,
Mambo mengi walidai, wakisema ndiyo haki,
Wasijue haifai, walivyoipenda dhiki,
Mitume walifariki, kwa sababu ya Injili.Yohana walimtesa, akachemshwa motoni,
Akabahatika mkasa, akafungwa visiwani,
Kuandika hakukosa, Patimo i kitabuni,
Mitume walifariki, kwa sababu ya Injili.Petro akasulubiwa, miguu juu mtini,
Hakutaka kuuawa, kama Yesu msalabani,
Hakika alitambuwa, Injili kuithamini,
Mitume walifariki, kwa sababu ya Injili.Yakobo mtu mkuu, kiongozi kanisani,
Alitupwa toka juu, mnara wa hekaluni,
Hakufa kutoka juu, walimpiga kifoni,
Mitume walifariki, kwa sababu ya Injili.Yakobo wa Zebedii, samaki aliyefua,
Mtume aliyetii, na Injili alijua
Alikuwa na bidii, alikatwa kichwa kuua,
Mitume walifariki, kwa sababu ya Injili.Batholomayo kaumia, tena ni Nathanieli,
Mmishonari Asia, alichapwa kwa Injili,
Kuhubiri Arumenia, ilikuwa yake hali,
Mitume walifariki, kwa sababu ya Injili.Anderea kaumia, mtini alisulubiwa,
Mijeledi kamchapia, lengo lao kumuuwa,
Kazidi kuwahubiria, hadi walupomuuwa,
Mitume walifariki, kwa sababu ya Injili.Toma alienda India, kanisa kuanzisha,
Mkuki wakamdungia, kwa uhai akakwisha,
Neno walimuulia, na uhai kumtisha,
Mitume walifariki, kwa sababu ya Injili.Juda pia walidunga, walitumia mikuki,
Kukanusha alidinda, muumini akabaki,
Mabaya walimtenda, mwishowe akafariki,
Mitume walifariki, kwa sababu ya Injili.Mathia alihudumu, kwa niaba ya Judasi,
Huyo walimlaumu, kwa mawe wakamuasi,
Na wakamtoa damu, kichwa kumkata basi,
Mitume walifariki, kwa sababu ya Injili.Paulo tunamjua, maandiko tumepata,
Mengi nayo tumejua, aliandika kupita,
Walimtesa kuua, kisha kichwa kumkata,
Mitume walifariki, kwa sababu ya Injili.© Kimani wa Mbogo
Shairi hili linaelezea kuuwawa kwa mitume wa Yesu Kristo kutokana na kujitolea kwao kueneza Injili. Kila ablasi inadhihirisha jinsi mitume walivyokumbana na vikwazo vikubwa, ikiwemo kuuawa na mateso, katika juhudi zao za kushiriki ujumbe wa wokovu. Hii inaonyesha umuhimu wa imani na ujasiri wa mitume katika kukabiliana na hatari, huku wakihitimisha kwamba, licha ya maafa, walikufa kwa sababu ya Injili, ambayo ilikuwa ya thamani zaidi kuliko uhai wao.
Lengo kuu
Lengo kuu la shairi hili ni kuonyesha jinsi mitume walivyokabiliana na mateso ya kikatili kwa ajili ya kueneza ujumbe wa Injili. Mtunzi anataka kuhamasisha wasomaji kuelewa gharama na dhamira ya kumtumikia Mungu, kwa kuelezea matendo ya mitume na vifo vyao kama alama ya uthabiti wa imani. Ujumbe huu unalenga kuwapa wasomaji mtazamo mpya juu ya thamani ya kujitolea kwa ajili ya Ukweli wa Mungu, licha ya majaribu na vikwazo vilivyowakabili.
Mandhari
Mandhari ya shairi hili inahusiana moja kwa moja na mazingira ya kidini na kijamii ambapo mitume walikabiliana na upinzani mkali. Matukio yanayotajwa katika shairi yanaonyesha mazingira ya kisiasa na kidini ya wakati huo, ambapo mitume walihukumiwa kwa sababu ya kuhubiri Injili, na hivyo wakiwa wahanga wa chuki na uhasama. Hali hii inaweza kutumika pia kulinganisha na matukio ya kisasa yanayohusiana na udhibiti wa imani.
Wahusika
Wahusika wa shairi hili ni mitume wa Yesu, ambao ni Mathayo, Mariko, Luka, Yohana, Petro, Yakobo, Batholomayo, Anderea, Toma, Juda, Mathia, na Paulo. Kila mmoja wao anaelezewa kwa namna ya kipekee kuonyesha mateso na kifo chao katika juhudi zao za kueneza ujumbe wa Injili. Wahusika hawa wanaonesha udhaifu na nguvu ya kibinadamu katika harakati zao za kutafuta wokovu wa watu, huku wakitumia jia mbalimbali za kujitolea na hata kuhatarisha maisha yao.
Hadhira Inayolengwa
Hadhira inayolengwa na shairi hili ni waumini wa dini ya Kikristo, lakini pia ni wasomaji wa jumla ambao wanataka kujifunza kuhusu historia ya mitume na imani yao. Hii ni sababu shairi linaweza kuwa chombo cha elimu kwa wale wanaotaka kuelewa thamani ya imani na kujitolea, na jinsi watu walivyoweza kusimama imara katika kukabili majaribu kwa ajili ya ukweli. Pia linaweza kuhamasisha kizazi kipya kuelekea kujitolea kwa sababu ya imani kama ilivyokuwa kwa mitume.
Msimamo wa Mtunzi
Mtunzi anaonyesha mtazamo wa kuhuzunika lakini pia wa kuthamini ujasiri wa mitume katika kuhubiri Injili. Anashawishi wahusika waandika hekima ya mitume, akiwasisitizia wasomaji kwamba ukuu wa kumtegemea Mungu huja kwa kutovunja moyo katika nyakati za majaribu. Pia kuna dhihirisho la heshima kwa mitume hao ambao walijitolea kwa ajili ya utume wao, inspite ya hatari ya kifo inayoambatana na jitihada zao.
Maoni ya Wasomaji
Bado hakuna maoni yaliyoidhinishwa.
Andika Maoni
Shiriki mawazo yako kwa heshima. Baruapepe yako haitachapishwa wala kuonekana kwa wasomaji.