Kituo ni mshororo wa mwisho katika ubeti wa shairi unaofunga wazo au mada ndogo ya ubeti huo. Ni mstari wa hitimisho ambao huleta hisisitiza ujumbe na mara nyingi huhitimisha maelezo yaliyotolewa katika mishororo ya awali ya ubeti.
Sifa za Kituo
- Hufunga Ubeti – Ni mshororo wa mwisho wa ubeti na huleta kikomo kwa hoja au taswira iliyojengwa ndani ya ubeti huo.
- Husisitiza – Kituo huweza kurudia wazo kuu au kulitoa kwa namna ya kipekee, ili kusisitiza ujumbe wa mshairi.
- Huweza Kuwa Kibwagizo au Kimalizio:
Kibwagizo: Kituo kilekile kinarudiwa katika kila ubeti wa shairi.
Kimalizio: Kituo hubadilika katika kila ubeti kulingana na maudhui ya mishororo iliyotangulia.
Mfano wa Kituo Kama Kibwagizo
Kutoka shairi la Maneno Yenye Busara
Maisha tajitokeza, yanyakue yote yako,
Maisha yatakutoza, mpaka uhai wako,
Ni leo tu unaweza, kesho kubali mwaliko,
Yatafakari vizuri, maneno yenye busara.Watu hukupiga mawe, kwa njia ya ufanisi,
Inategemea wewe, utakachojenga kwa kasi,
Huenda ukuta uwe, ama daraja hukosi,
Yatafakari vizuri, maneno yenye busara.
Kituo “Yatafakari vizuri, maneno yenye busara.” kimerudiwa katika kila ubeti kama kibwagizo.
Umuhimu wa Kituo
- Huhitimisha wazo la ubeti.
- Huongeza athari ya kishairi kwa msomaji/msikilizaji.
- Huchangia mpangilio na mtiririko wa shairi.
- Hubeba ujumbe wa kiitikio, maombi au msimamo wa mshairi.
Maoni ya Wasomaji
Bado hakuna maoni yaliyoidhinishwa.
Andika Maoni
Shiriki mawazo yako kwa heshima. Baruapepe yako haitachapishwa wala kuonekana kwa wasomaji.