Niache Nende Salama

Mja wa mateso miye, sina hili sina lile,
Waziwazi niambiye, sinibeze maumbile,
Singoje muda wadiye, kheri niambiwe mbele,
Miye dua nipigiye, nipate baraka tele.

Kazi ndiyo nitapata, pahali penye hishima,
Ujira mwingi kupata, licha ya njema huduma,
Changu cha pesa kitita, haki nipatge mapema,
Endapo utanifuta, niache nende salama.

Beti tatu zimetosha, sina muda kupoteza,
Kalamu nimekomesha, sina ya kusisitiza,
Mwajiri hutganitisha, mabaya ukitangaza,
Nipe ya pesa bahasha, japo hakuna nyongeza.

© Kimani wa Mbogo

Tafadhali usikose kuongeza Maoni yako kuhusu shairi hili.

Baruapepe yako haitaoneshwa hadharani. Maeneo yenye alama * ni lazima yajazwe!