Niongoze Wadudi
Uliye wangu Wadudi, muumba wa roho yangu,
Kwako leo ninarudi, usikie taabu zangu,
Kama ni kombo ni rudi, kwani ndiwe Mungu wangu,
Nilinde wangu Wadudi, dhidi ya nafsi yangu.
Mwandishi: Moses Chesire
Taiti Tatizi
Ijapo si mtambaji, nitakuli kwa katiti,
Wala sitafuti taji, musinipige vijiti,
Ningependa kuwahoji, hawa wavaa taiti,
Zingwizingwi lipe nguo, uyaone mashauo.
Nakurejelea Rabuka
Nashukuru usokoma, hapa nilipopafika,
Moyoni nina naima, tena isomithilika,
Ulonitenda ni mema, ewe uliye rabuka,
Nakurejea Rabuka, mimi wako mpotevu.
Nawauliza Waganga
Jana ndoto linijia, kote kumejaa damu,
Sijui likotokea, tena yao binadamu,
Mana nalisubiria, meuliza wanajimu,
Waganga naulizia, kitale lama lamu.
Nawaita Magunge
Nawataka na magunge, wajenifunza kutunga,
Napo tunga nizitunge, zilotungwa kama shanga,
Mishororo niipange, pasi wazo kubananga,
Na waje walo magunge, njia kunimulikia.
Tikiti Maji
Nawaita ikhiwani, kitaka muwe majaji,
Sikiza nielezeni, utamu wangu mlaji,
Lipo hapa kiganjani, li tamu kama kileji,
Napenda tikitimaji, tunda bora shinda zote.
Jembe Halilimi
Jembe langu nawajuza, limekuwa kiserema,
Halilimi linacheza, mchanga linaitema,
Sina budi kuliuza, na kwa Fundi kulisema,
Hili jembe kisirani, limedinda halilimi.
Nakuasa Mwanangu
Songea karibu mwanangu, unisikize abuyo,
Kilete kigoda changu, pamoja na maswaliyo,
Ina mambo ulimwengu, uyadhaniayo siyo,
Chukua yangu wasia, ifumbate kiganjani.
