Kenya Twataka Amani

Amani, muhimu itakulinda,
Amani, kwa hino tutashinda,
Amani, ni vema kuipenda,
Amani, Kenya twataka amani.

Amani, sahibu itakufaa,
Amani, jingine twalikataa,
Amani, kote ikatapakaa,
Amani, Kenya twataka amani.

Amani, kwa hiyo tutapendana,
Amani, pasipo kuvurugana,
Amani, haiwi kwa kuuana,
Amani, Kenya twataka amani.

Amani, kwa ujenzi wa taifa,
Amani, hiyo ndiyo maarifa,
Amani, nchi yenye njema sifa,
Amani, Kenya twataka amani.

Amani, utangamano thabiti,
Amani, vita ndivyo hatupati,
Amani, pendekezo kwa umati,
Amani, Kenya twataka amani.

Amani, hilo ndilo tumaini,
Amani, vema tukiithamini,
Amani, jambo jema kubaini,
Amani, Kenya twataka amani.

Amani, hushinikiza uwezo
Amani, ndilo jambo la liwazo,
Amani, jamii bila uozo,
Amani, Kenya twataka amani.

Amani, huwa matokeo mema,
Amani, huwapo bila hujuma,
Amani, la kipekee kuvuma,
Amani, Kenya twataka amani.

© Kĩmani wa Mbogo