Mauti
Umauti ni mlango, sisi sote tunapita
Na wala hakuna pingo, Kahari ajapokwita
Ibada ndio kilingo, adhabu usijepata
Waja wote tunapita, umauti ni mlango
Aina: Mtiririko
Mtiririko ni shairi ambalo vina vyake vya mwisho na vya kati havibadiliki kutoka ubeti wa kwanza hadi wa mwisho.
Kuthubutu
Uoga wa kuthubutu, ni ngumu kwako kujua
Daima hubaki butu, pasi mapya kugundua
Tabakiwa na kutu, haishi kwa kusugua
Ukitamani kujua, ni vema ukathubutu
Chungu na Pegiko
Kutegemea pegiko, ndio tabia ya chungu
Kisipate hangaiko, kikaja tenguka tengu
Kama mwana na mbeleko, huwezi engua engu
Mambo huenda mtengu, chungu pasi na pegiko
Mapenzi ni Sumu
Penzi halina mwalimu, japo linayo mazao,
Wengi husema li tamu, sijaona ufaao,
Naeleza kwa nudhumu, lisomwe kila uchao,
Mapenzi kweli ni sumu, hudhuru wapendanao!
Nifunzeni Ubunifu
Nawaomba wasanifu, wajuzi wa hii kunga
Nifunzeni ubunifu, nami niitwe malenga
Nipange beti kwa safu, niwache kuunga unga
Wajuzi wa hii kunga, nifunzeni ubunifu.
Salamu kwa Watajika
Nawaomba wasanifu, wajuzi wa hii kunga,
Nifunzeni ubunifu, nami niitwe malenga,
Nipange beti kwa safu, niwache kuunga unga,
Wajuzi wa hii kunga, nifunzeni ubunifu.
Kupata Sio Idili
Naomba niseme wazi, kwetu na liwe bayana,
Mja nataka maizi, unielewe kwa kina,
Ili tusiwe wajuzi, na Mola tukakosana,
Kupata sio idili, ni kudura za Rabana.
Nachagua Amani
Kuna vingi duniani, vyenye tunu na thamani,
Vyavutia si utani, rahisi kuvitamani,
Ila kwangu vyote duni, pasi amani moyoni,
Taacha vyote lakini, nikachague amani.
